加拿大生活5個必備手機Apps

正所謂「一機在手，天下我有」。手機Apps幫我哋解決好多生活上嘅煩惱，平時我哋喺香港總會有必備嘅Apps去應付我哋生活所需，但如果移咗民去加拿大又有啲咩Apps可以幫到手呢？所以我哋準備咗5個加拿大生活必備手機Apps畀大家參考一下！

交通必備App

Transit涵蓋加拿大境內12個城市嘅公共交通系統信息，可以查看各種交通工具嘅到達時間，更可以設定到站提醒，唔使怕坐過站！

Realtor.ca囊括各種房地產租售信息，可以跟據自己嘅喜好需求尋找心水居所。注意美國亦有一個同名App，所以搜尋App嘅時侯記住加返.ca啦！

Kijiji係一個二手買賣平台，用戶可以係入面搵到各種物品、服務甚至房地產。如果有需要買二手家具嘅朋友，話唔定可以喺入面尋到寶！

Yelp類似香港嘅Openrice，用戶可以對餐廳進行評價。如果大家想了解一下附近有嘢食又或者想知有咩餐廳值得推介，不仿打開Yelp參考一下！

Flipp集合各種商店優惠消息，可以根據你所在位置搵到附近商店產品價格、折扣優惠等資訊，仲有好多優惠劵，去超市買嘢之前不仿睇下有咩優惠啦！