移民英國，您要考慮的六大因素！

好多人移民英國都係為左仔女有更好嘅將來，英國上年就新出左「創新者簽證 Innovator Visa」減輕左唔少人嘅負擔，投資額只需5萬英鎊起，比起另一個200萬英鎊嘅投資移民計劃 (Investor Visa) 可以話係「平到飛起」。

話雖如此，移民前都有好多野要注意！以下就歸納左「六大因素」比大家參考！

教育

係香港出世嘅朋友可能對英國教育制度都唔陌生，因為有DSE之前香港都係5年中學、2年預科、3年大學，同英國一樣。而英國嘅學校係國際上享負盛名，世界大學排名前10名中，有4間都係英國大學。英國教育以悠久嘅歷史、嚴格嘅標準及高品質而聞名於世，至今已培養出近百位諾貝爾獎得主。根據2014-2015泰晤士高等教育世界大學排名，係前百大學排行中，英國大學所佔嘅名次係第二多嘅。

講到咁好，學費當然都好「金」。粗略估算，海外留學生由中一讀起，到完成大學差唔多要用30－40萬英鎊，其實都夠錢移民埋英國。如果英國本地生讀書，幾乎免費。

畢業出路方面，海外生係英國找工作較難，原因有二：

畢業後需要係半年內搵到工，否則就無「合法身份」留低

英國僱主普遍唔會想擔保海外員工在地工作，因為手續多、麻煩

但如果成為左本地人，就相對容易了。

醫療

英國醫療無論係制度、技術、服務水平都達到世界級標準。而英國嘅全民免費醫療服務體系，叫做「National Health Service (NHS)」。睇醫生連埋藥都係免費嘅，唯一會收費就係取藥時嘅處方費，約6-7英鎊。

但切記睇醫生前記得預約，如果唔係急症，有機會要等1－2星期架。

退休

根據政府嘅規定，您必須繳交30年國民保險金 National Insurance， 包括您工作或收入低於交國民保險嘅要求，或不能工作時報稱失業，由政府為您交嘅國民保險金， 一律都計算在內。合乎條件，就有資格領取政府全額法定退休金。如果您交嘅國民保險金少於30年，所領取嘅退休金就會較少， 每交一年國民保險金便以全額退休金1/30 計算；此外，您可以選擇「自願繳交」國民保險金來填補所缺嘅年數，以領取全額退休金，所以您要計算一下這樣做是否化算。

就業

英國近乎「全民就業」，根據2019年8月數據顯示，失業率為3.8%，自2012年以來都一直下跌。國際貨幣基金組織2018年報告指出，英國國內人均生產總值達42,558美元，排名世界21。服務業係英國經濟嘅支柱。

稅項

英國嘅個人「年收入」超過1.25萬英鎊先開始要交稅，「年收入」1.25萬至5萬英鎊為20%，5萬至15萬英鎊為40%，超過15萬英鎊便需交45%的稅項。

生活成本

一般人都會認為英國生活成本相當高，有些地方的確是英國較貴，以倫敦與香港作比較，如外出用饍、樽裝水、公共交通費、水電煤等雜費都是倫敦較貴；但街市買的農產品、肉、米，甚至汽油、買樓等等，其實是英國較便宜。如果想將生活成本進一步降低，其實可以考慮移民英國小鎮居住。生活成本以一家四口計算，每月可低至約8,000千港元，已包括衣食住行及雜費。

如有任何移民相關問題，歡迎向我們查詢！